--------------------------------------------------------------------------------
مرحبا بالحلوين .. Hi Sweety•
كيفكن إن شاء الله مناح وطيبين ؟
آليوم حضّرت إلكن آيسكريم الأوريو ... ياترى مين مابحب الأوريو ؟؟
سهل كتير مارح يآخذ من وقتكن
بنصحكن تجربوه << جرب ومارح تندم بنوب << شو عمنعمل دعاية << أي لا تحكي هيك بعرف حآلي مو خرج دعايات ولا حتى مقدمات
تم فصل الإرسآل .., مذيعة فاشلة برافو عليي طردوني
المهم قيمونا من هالسيرة واتركونا بالآيسكريم تبعنا
المقآدير :-
• بياض أربع بيضات .
• كوب ونصف حليب بودرا [ نيدو مثلاً أو أنكور .. إلي بدك ].
• ربع كوب سكر ناعم [ أو حسب الرغبة .. يعني قد مابدك تكون حلاوة الآيسكريم حط السكر بس لا يزيد عن ربع الكوب بتطلع حاليه كتير ].
• ظرفا دريم ويب [ اثنييين للتأكيد يعني iki / two / دو .. باللهجة الي حاببها ].
• وطبعاً بسكوت الأوريو [ أنا أستعملت تلات [ 3 ] مغلفات يعني يمكن 18 حبة بسكوت ].
( يالله جاهزين .. خلونا نبلش سوآ
دغرررري عالطريقة :-
• يخفق بياض البيضات لحتى يصير رغوة جامدة .
• يخلط السكر والحليب بزبدية .. ثم يُضاف بالتدريج عالبياض مع الخفق بالوقت نفسو .
• تعمل الكريمة حسب تعليمات العلبة .
• وتضاف عالمزيج السابق مع استمرار الخفق .
• يطحن بسكوت الأوريو .. بالشكل الي تحبو يعني إذا بدكن ناعم إطحنو بالماكينة .. إذا ما بدكن ناعم اطحنو يدوياً .
• يضاف البسكوت المطحون إلى المزيج السابق ويخلط معه جيداً .
• يوضع المزيج في علب محكمة الإغلاق ويدخل إلى الفريزر لمدة ساعة .
وهيك بنكون انتهينا من الآيسكريم تبعنا .,
عوآفي للحلوين ~
