قالت أبيك تضمني قبـل لاتـروح
..............حقق مناتي قبل روحـي تروحـي
ابيك تكتبني شعر داخـل الـروح
..............وابيـك تقرالـي معانـاة روحـي
أدري تبي تلقى مسرات و جـروح
..............و حاول تركز وش سبايب جروحي
يفز لك قلبي من الشوق و يبـوح
..............لكن أمانة احفـظ اسـرار بوحـي
بنيت لك بالروح من حبي صروح
..............تعال واسكن في أعالي صروحـي
و داو الخفوق اللي بسبتك مجروح
..............تدريبه إنه في وصالـك لحوحـي
ما كل جرح يعالجه ضحك و مزوح
..............احيان جرحي من سبايب مزوحـي
و أحيان اعالج لهفة الشوق بالنوح
..............و أبكي وترتاح المشاعر بنوحـي
_________________
